(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.232. అధ్యాయః 232
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
పరమేశ్వరేణి పార్వతీంప్రతి సుకృతస్య త్రేధా విభజనేన తల్లక్షణాదికథనం॥ 1 ॥
Mahabharata - Anushaasana Parva - Chapter Text

మహేశ్వర ఉవాచ।

విధానం సుకృతస్యాపి భూయః శృణు శుచిస్మితే।
ప్రోచ్యతే తత్త్రిధా దేవి సుకృతం చ సమాసతః॥ 13-232-1(90530)
యదౌపరమికం చైవ సుకృతం నిరుపద్రవం।
తథైవ సోపకరణం తావతా సుకృతం విదుః॥ 13-232-2(90531)
నివృత్తిః పాపకర్మభ్యస్తదౌపరమికం ప్రియే।
మనోవాక్కాయజా దోషాః శృణు మే వర్జనాచ్ఛుభం॥ 13-232-3(90532)
త్రైవిధ్యదోషోపరమే యస్తు దోషవ్యపేక్షయా।
స హి ప్రాప్నోతి సకలం సర్వదుష్కృతవర్జనాత్॥ 13-232-4(90533)
ప్రథమం వర్జయేద్దోషాన్యుగపత్పృథగేవ వా।
తథా ధర్మమవాప్నోతి దోషత్యాగో హి దుష్కరః।
దోషసాకల్యసంత్యాగాన్మునిర్భవతి మానవః॥ 13-232-5(90534)
సౌకర్యం పస్య ధర్మస్య కార్యారంభాదృతేఽపి చ।
ఆత్మా చ లబ్ధోపరమో లభంతే సుకృతం పరం॥ 13-232-6(90535)
అహో నృశంసాః పచ్యంతే మానుషాః స్వల్పబుద్ధయః।
ఏతాదృశం న బుధ్యంతే ఆత్మాధీనం న నిర్వ్యథాః॥ 13-232-7(90536)
దుష్కృతత్యాగమాత్రేణ పదమూర్ధ్వం హి లభ్యతే॥ 13-232-8(90537)
పాపభీరుత్వమాత్రేణ దోషాణాం పరివర్జనాత్।
సుశోభనో భవేద్దేవి క్రజుర్ధర్మవ్యపేక్షయా।
ఇత్యౌపరమికం దేవి కథితం సుకృతం తవ॥ 13-232-9(90538)
శ్రుత్వా చ వృద్ధసంయోగాదింద్రియాణాం చ నిగ్రహాత్।
సంతోషాచ్చ ధృతేశ్చైవ శక్యతే దోషవర్జనం॥ 13-232-10(90539)
తదేవ ధర్మమిత్యాహుర్దోషసంయమనం ప్రియే।
యమధర్మేణ ధర్మోస్తి నాన్యః శుభతరః ప్రియే।
యమధర్మేణ యతయః ప్రాప్నువంత్యుత్తమాం గతిం॥ 13-232-11(90540)
ఈశ్వరాణాం ప్రభవతాం దరిద్రాణాం చ వై నృణాం।
సఫలో దోషసంత్యాగో దానాదపి శుభాదపి॥ 13-232-12(90541)
తపో దానం మహాదేవి దోషమల్పం హి నిర్భరేత్।
సుకృతం యామికం చోక్తం వక్ష్యే నిరుపసాధనం॥ 13-232-13(90542)
సుఖాభిసంధిర్లోకానాం సత్యం శౌచమథార్జవం।
వ్రతోపవాసః ప్రీతిశ్చ బ్రహ్మచర్యం దమః శమః॥ 13-232-14(90543)
ఏవమాది శుభం కర్మ సుకృతం నియమాశ్రితం।
శృణు తేషాం విశేషాంశ్చ కీర్తయిష్యామి భామిని॥ 13-232-15(90544)
సత్యం స్వర్గస్య సోపానం పారావారస్య నౌరివ।
నాస్తి సత్యాత్పరం దానం నాస్తి సత్యాత్పరం తపః॥ 13-232-16(90545)
యథా శ్రుతం యథా దృష్టమాత్మనా యద్యథా కృతం।
తథా తస్యావికారేణ వచనం సత్యలక్షణం॥ 13-232-17(90546)
యచ్ఛలేనాభిసంయుక్తం సత్యరూపం మృషైవ తత్।
సత్యమేవ ప్రవక్తవ్యం పారావర్యం విజానతా॥ 13-232-18(90547)
దీర్ఘాయుశ్చ భవేత్సత్యాత్కులసంతానపాలకః।
లోకసంస్థితిపాలశ్చ భవేత్సత్యేన మానవః॥ 13-232-19(90548)
ఉమోవాచ। 13-232-20x(7628)
కథం సంధారయన్మర్త్యో వ్రతం శుభమవాప్నుయాత్॥ 13-232-20(90549)
మహేశ్వర ఉవాచ। 13-232-21x(7629)
పూర్వముక్తం తు యత్పాపం మనోవాక్కాయకర్మభిః।
వ్రతవత్తస్య సంత్యాగస్తపోవ్రతమితి స్మృతం॥ 13-232-21(90550)
త్యాజ్యం వా యది వా జోష్యమవ్రతేని వృథా చరన్।
తథా ఫలం న లభతే తస్మాద్ధర్మం వృథా చరేత్॥ 13-232-22(90551)
శుద్ధకాయో నరో భూత్వా స్నాత్వా తీర్థ యథావిధి।
పంచభూతాని చంద్రార్కౌ సంధ్యే ధర్మయమౌ పితౄన్॥ 13-232-23(90552)
ఆత్మనైవ తథాఽఽత్మానం నివేద్య వ్రతవచ్చరేత్।
వ్రతమామరణాద్వాఽపి కాలచ్ఛేదేన వా హరేత్॥ 13-232-24(90553)
శాకాదిషు వ్రతం కుర్యాత్తథా పుష్పఫలాదిషు।
బ్రహ్మచర్యవ్రతం కుర్యాదుపవాసవ్రతం తథా॥ 13-232-25(90554)
ఏవమన్యేషు బహుషు వ్రతం కార్యం హితైషిణా।
వ్రతభంగో యథా న స్యాద్రక్షితవ్యం తథా బుధైః।
వ్రతభంగే మహత్పాపమితి విద్ధి శుభేక్షణే॥ 13-232-26(90555)
ఔషధార్థం యదజ్ఞానాద్గురూణాం వచనాదపి।
అనుగ్రహార్థం బంధూనాం వ్రతభంగో న దుష్యతే॥ 13-232-27(90556)
వ్రతాపవర్గకాలే తు దైవబ్రాహ్మణపూజనం।
నరేణ తు యథా విద్ధి కార్యసిద్ధిం యథాఽఽప్తుయాత్॥ 13-232-28(90557)
ఉమోవాచ। 13-232-29x(7630)
కథం శౌచవిధిస్తత్ర తన్మే శంసితుమర్హసి॥ 13-232-29(90558)
మహేశ్వర ఉవాచ। 13-232-30x(7631)
బాహ్మమాభ్యంతరం చేతి ద్వివిధం శౌచమిష్యతే।
మానసం సుకృతం యత్తచ్ఛౌచమాభ్యంతరం స్మృతం॥ 13-232-30(90559)
సదాఽఽహారవిశుద్ధిశ్చ కాయప్రక్షాలనం చ యత్।
బాహ్యశౌచం భవేదేతత్తథైవాచమనాదినా॥ 13-232-31(90560)
మృచ్చైవ శుద్ధదేశస్థా గోశకృన్మూత్రమేవ చ।
ద్రవ్యాణి గంధయుక్తాని యాని పుష్టికరాణి చ।
ఏతైః సంమార్జయేత్కాయమంభసా చ పునః పునః॥ 13-232-32(90561)
అక్షోభ్యం యత్ప్రకీర్ణం చ నిత్యస్రోతం చ యజ్జలం।
ప్రాయశస్తాదృశే మజ్జేదన్యథా చ వివర్జయేత్॥ 13-232-33(90562)
త్రిస్త్రిరాచమనం శ్రేష్ఠం నిష్ఫేనైర్నిర్మలైర్జలైః।
తథా విణ్మూత్రయోః శుద్ధిరద్భిర్బహుమృదా భవేత్।
తథైవ జలసంశుద్ధిర్యత్సంశుద్ధం తు సంస్పృశేత్॥ 13-232-34(90563)
శకృతా భూమిశుద్ధిః స్యాల్లౌహానాం భస్మనా స్మృతం।
తక్షణం ఘర్షణం చైవ దారవాణాం విశోధనం॥ 13-232-35(90564)
దహనం మృణ్మయానాం చ మర్త్యానాం కృచ్ఛ్రధారణం।
శేషాణాం దేవి సర్వేషామాతపేన జలేన చ।
బ్రాహ్మణానాం చ వాక్యేన సదా సంశోధనం భవేత్॥ 13-232-36(90565)
అదృష్టమద్భిర్నిర్ణిక్తం యచ్చ వాచా ప్రశస్యతే।
ఏవమాపది సంశుద్ధిరేవం శౌచం విధీయతే। 13-232-37(90566)
ఉమోవాచ। 13-232-38x(7632)
ఆహారశుద్ధిస్తు కథం దేవదేవ మహేశ్వర॥ 13-232-38(90567)
మహేశ్వర ఉవాచ। 13-232-39x(7633)
అమాంసమద్యమక్లేద్యమపర్యుషితమేవ చ।
అతికట్వంలలవణహనం చ శుభగంధి చ॥ 13-232-39(90568)
క్రిమికేశమలైర్హీనం సంవృతం శుద్ధదర్శం।
ఏవంవిధం సదాహార్యం దేవబ్రాహ్మణసాత్కృతం॥ 13-232-40(90569)
శ్రుతమిత్యేవ తజ్జ్ఞేయమన్యథా మన్యసేఽశుభం।
గ్రాంయాదారణ్యకైః సిద్ధం శ్రేష్ఠమిత్యవధారయ॥ 13-232-41(90570)
అతిమాత్రగృహీతాత్తు అల్పదత్తం భవేచ్ఛుచి।
యజ్ఞశేషం హవిఃశేషం పితృశేషం చ నిర్మలం।
ఇతి తే కథితం దేవి భూయః కిం శ్రోతుమిచ్ఛసి॥ ॥ 13-232-42(90571)

ఇతి శ్రీమన్మహాభారతే అనుశాసనపర్వణి దానధర్మపర్వణి ద్వాత్రింశదధికద్విశతతమోఽధ్యాయః॥ 232 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.